رسالة إلى أصحاب سراويل “السنّة”
الكاتب: عبدالله الحقباني | التصنيف: على الطاير
في البداية اسمح لي عزيزي القارئ أن أبيّن لك ما هو سروال “السنة”
سروال السنة هو سروال يلبس تحت الثوب السعودي خصوصاً و الخليجي عموماً..
ولكن هذا المسمّى (سروال السنة) منتشر عندنا في السعودية..
وفي بعض المناطق يطلق عليه سروال “طويل”
رسالتي أوجهها لأصحاب هذه السروايل بأن يلبسوها “فقط” إذا كانت مستورة بالثياب..
بمعنى..
((يا أخي الله يرحم أهلك لا تلبس سروال طويل و فنيله علاقي و تتمشى في بيتكم!!))
نحن معشر الرجال غريبو الأطوار أحياناً
فتجد الرجل يستنكر من زوجته أو أخته أو حتى أمّه عندما تلبس لبساً “مبهذلاً” في البيت..
وتجده يبدأ في الانتقاد بينه وبين نفسه عادةً
لكن لو نظر إلى حاله لوجد العجب العجاب
و تجدنا نطالب المرأة بالتزين و أن تكون في أبهى حُلّة طوال الوقت حتى نُشبع فطرتنا في حُب الجمال..
لكن أليس للمرأة حق بصفتها أنثى أن تحضى بما يسر ناظريها أيضاً!!
لن أطيل الموضوع و أدخل في “سالفة” النظافة و التطيب..!
لكني أردت من هذا المنبر.. أدعوكم و نفسي إلى الاقلاع عن هذه العادة..
أنا لا أطلب منك أن تلبس ثوبك طوال الوقت.. لكن يا أخي البس بيجاما أجمل وشكلاً و أكثر قبولاً
ودعني اختم بالمقولة المشهورة لابن عباس رضي الله عنه
إني أحب أن أتزين لها كما أحب أن تتزين لي
عدد الردود على مقال “رسالة إلى أصحاب سراويل “السنّة””: 48
شارك برأيك
والله العظيم الوضع المأساوي بيتكرر في المنازل
واضيف ايضًا بعض الاباء يلبسوا “فووطة”
وهذا المنظر هو الأمّر
مناظر مقززة تقل سواقين.
جزاك الله خير ياعبدالله :]
صحيح وهذا يتكرر كثير وليس فقط في المنازل بل تجدهم يتعدى بهم الامــر
ان يلبسونه في الشارع وعادي ..؟؟جدا
بل المصيبه ان يلبسون سروال (مدري وش اسمه)اللي فوق الركبه
وبدون فانيله ويتمشون في ارجاء المنزل او ان جاء احد اصدقائهم عند الباب
يطلع لهم كذا >>ولاكنه مسوي شئ
اشكر لك طيب طرحك واختيارك اللي في الصمميم
تميــزت واكثر
سبحان الله وبحمده سبحان الله العظيم عدد كل شئ
الصراحة ياعبدالله انا من اشد المعارضين لهذي الظاهرة
وكنت من نعومة اظافري وانا اكرهها بشكل لايوصف
يعني والله في السوق ملابس بيت من بجايم او بناطيل او حتي ثياب بيت من اروع نايكون وخفيفه ومريحة
مشكور الخاطره حلوه اليوم
@FrashatAljannah
الآباء بحكم مكانتهم، يكون للبسهم تأثير أكبر من ناحية عدم أريحية الأبناء..
@مروه
في الشارع!!
الوضع مزري أكثر مما يبدو..
مشكلتنا ما نعترف في شي اسمه “ذوق عام”
@فراس
تتوقع ان المشكلة ان الاسواق للعوائل؟ عشان كذا الشباب ما يلبسون
لكن فعلا.. أتوقع لو الواحد يطلب من اخته تتسوق له اكيد ماراح تقول له لا.. بالعكس انا متأكد انها بتنبسط..
“”نحن معشر الرجال غريبو الأطوار أحياناً”
نحن معشر الرجال حقيقة يااخ عبدالله غريبو اطوار دائما وليس احيانا
مليئين بالمتناقضات
تعليقا على سروال السنه
يااسيدي الادهى والامر من يلبس البيجاما واقمصة النوم ويذهب لأطهر واعظم مكان الى مساجد الله
فلايستغرب من رجل هذا فعله ان يقبع ببيته بسروال سنه;-(
المسأله اكبر من كونها ذوق عام
واضم صوتي لصوتك :
((يا أخي الله يرحم أهلك لا تلبس سروال طويل و فنيله علاقي و تتمشى في بيتكم!!))
كنت اقول ومازلت
قلمك ناقد ساخر هادف بتمكن
@عبودي
هههههههههههه
اتق الله.. لسنا غريبي أطوار دائماً
لكنـّا مليؤون بالمتناقضات.. و هذا من مزايا الرجل
شاكر لك إطلالتك اللطيفة
يا سلام عليك
هوا ده يا راقل
من زمان اتمنى رجال يحكي هذا الكلام
@سحر
هههههههههه
شكل الموضوع ضرب على وتر حساس..
لكن في النهاية كلنا نعاني من ذا الوتر..
شاكر لك مروروك و تعليقك
((يا أخي الله يرحم أهلك لا تلبس سروال طويل و فنيله علاقي و تتمشى في بيتكم!!))
.
.
.
ايووووووة والله يرحم اهلك و عيلتك و قبيلتك كلها لاتلبس سروال سنة بالبيت ..
ياجماااعة عيييييب والله عييييييب رجال يمشي بفلينة و سروال سنة .. !!
بجد لما اشوف رجال ماشي بسروا السنة اقول مدري ايش يحس بوووه ..
الله لا يبلاني برجال يلبس سروال سنة
الله يديك العافية ع البوست اللطيف ..
@ري ري
أغلب الردود على الموضوع جايه من بنات..
وكلها تجي من قللللللللب..
وبما أن موضوعنا اليوم يخص النساء.. سأقول الله يعين البنات على الرجال
كلاااااااااااااااااااااااااااااااام بالصميم مشكور اخوي عبدالله
و اخيرا في احد تنازل وقال الحقيقه
الله يكون في عونا يا بناااااات
يا ساتر! لهالدرجه سروال السنه قبيح و انا مادري؟
مع اني اتفق معك ان الرجال اللي يطلب من زوجته انها تتزين “دايم” لازم هو بعد يكون يتزين بلبسه، الا اني ما اشوف سروال السنه بهالقبح عشان نتشكى من شكله. بالعكس عادي مافيه شي (باستثناء القصير)
لا تزوجت ان شاءالله اغلب الظن بلبس سروال سنه و تي شيرت. فالمشكله برأيي بالفنيله الداخليه ماهي بسروال السنه. لان سروال السنه ما يتأثر كثر ما تتأثر الفنيله الداخليه.
موضوع راااائع .. و أسلوبك في الطرح جدا ممتع و ساخر
الحمدلله و لا مرة شفت هالشي من أبي و أخواني .. و لكن خوفك من الي جاي
دمتم يا معشر الرجال أنيقين و جميلين.. كما تحبون أن تروه في غيركم!!!
الصراحة لم اتصور ان النوضوع سيجذب البنات اكثر من الشباب<<<بحكم انه يستهدف الشباب
المهم ان يزور الموضوع اكبر شريحة من الشباب عشان تنحل المشكلة
عبدالله: تعقيبا علي رد
والله مااتصور ان زيارة السوق هي المشكلة لان مثل ماقلت ممكن يوصي اهلة وممكن ايضا يروح معهم لكن الموضوع موضوع (كذالك ابنائنا يفعلون) يعني اللي تحصل ابوه يلبس سروال وفنيلة تحصل عيالة مثلة.
الخاطره مرا حلوه ..
والله شي من جد واقعي وبشكل كبير جدا ..
يعني بالله عليك تتعيجز حتى تلبس بيجامه ؟
ان شاء الله بإذن الله انه شبابنا يتطور
يعطيك العافيه أخ عبدالله
@نوني..
والله الشباب حلوين و يتنازلون عن اشياء كثيره.. بس انتو ساعدوهم
شكرا لك أختي..
@مشهور..
والحق يقال.. يكفي ان الشاب يهتم.. فأنت عندما تقول بأنك ستقوم بلبس “تيشيرت” هذي بحد ذاتها تدل على اهتمام
الفكره الاساسيه انك تلبس شي يسر الناظر,, لاحظ ما قلت شي مو قبيح.. لانه حتى لو كان اللبس مو قبيح لكنه يضيق الصدر.. في نفس الوقت طبعا لا تلبس شي ما يخليك مرتاح.. عشان ما تتضايق انت بعد
@غير..
دمتم يا معشر الرجال أنيقين و جميلين.. كما تحبون أن تروه في غيركم!!!
@فراس..
صدقت.. لسان حالهم يقول “إِنَّا وَجَدْنَا آبَاءَنَا عَلَى أُمَّةٍ وَإِنَّا عَلَى آثَارِهِمْ مُقْتَدُونَ”
@فنو..
وارجع واقول.. والله الشباب حلوين بس يبون احد يحنّ عليهم..
الله يعافيك اختي
صدقت والله ياخي “ان الله جميل يحب الجمال”
بس الموضوع مرتبط فيه عوامل كثيرة منها سايكولوجية الشخص .. ويمكن يكون المرأة نفسها هي السبب!
و و الخ. لكن كل هذا ليس مبرر بالطبع !
على فكرة ترى امزح في اجابة السؤال اللي انت خابر افا عليك بس لاتصدق >>>>> ههههههه تذكره ؟ يوم تقول واجه وخلك شجاع .. هههههه
@نادر..
ههههههههههههه
ذكرت السالفه.. ومن جد.. حتى طريقة التقييم في الاجابات كانت تدل على ان اللي حاطين الاسئلة كان تفكيرهم خطا..
أحييك بصرآحه..شي يعني منه المجتمع بشكل مؤلم..
وقيد شفت رجال وشباب خآرجين بالشآرع بيشترون شي من السوبر ولآ شغله بسيطه يمشون حالهم..
أنآ نفسي أعرف مآفكروآ ليه محلآت المللآبس الرجاليه والبيجآمآت..<<معصبه
حتى أفكر لو تطبع التدوينه وتنشرهآ وتكتب فاعل خيير منعاً لأكتأب أو التحطيم..
وبس <<مآبغت..
شكراً ع التدوينه الجميله
@LGoOnA
والله فكرة الطباعة مو بطاله..!
استأجر لي كم شخص و اخليهم يوزعونها عند الاشارات..
شاكر لك تفاعلك و تعليقك أختي..
من أكثر أسباب الحروب بيني وبين أولاد اخواني. ياهو منظر مقزز، لأنها تظل ملابس داخليه مناقضة لحسن الهندام اللي يحث عليه الدين. أكره منظر الشخص وهو يمشي قدام الآخرين حتى لو في بيته بدون لبس لائق
وتحصلهم أحياناً في سياراتهم، لكن نادر جداً لحسن الحظ.
بس كويس اللي لقيت أحد أتفق معه، بالعادة يقولون اني موسوس لأني ما أنام حتى الا وأنا لابس قميص فوق الملابس الداخلية.
@سعد..
ياحبي لك بس
أحسنت..
وش فيه سروال السنة !!
عسل ، وخفيف ، وفوق كذا ما تشيل همه تلبس الثوب فوقه على طول
تخيل واحد داخل بيته بالثوب مشخص وبعد شوي تلقاه لابس بجامه
@فتحي..
أسأل الله أن يفتح على قلبك
ما فهمت ردّك يا فتحي..
هل هو اسلوب ساخر ضد سروال السنّة أم هو تأييد صارخ..
وبعدين وش دخّل سالفة الرجال اللي داخل بيته مشخص بثوب و بعد شوي تلقاه لابس بجامه
ههههههههه
أفصح يا بنيّ ..
يالله .. عادي خلوهم يآخذوا راحتهم المهم النفسيه حلوه
”
بصرآحه سروآل السنة ع قولهم اشوفو ارحم بمليوون مرآ من الفوطه ..!
الحمدلله ان ابويا ما يلبسهآ والا كآن منجد عذاب
من ناحية سروآل السنة هوا عايدي بس اللي ما احبو الفنيله اللي تجي مدري ايش اسمها بس مو نص كم .. هذه احسها شيء يفششششل ^_^
”
وبأي حال ..
الجمآل مطلوب والزينة شيء حلوو ، والنظآفه هي الأهم
والأخلاق فوق كل حاجه <-
:
عبدالله ,, شككررآ ، وأككثر
@سارة,,
شكلك تقصدين الفنيلة العلّاقي .. هههههههههههه
عموماً.. صدقت.. أهمممم شي الأخلاق..
والعفو اختي..
ههههههههههههه
هذي بجايم السعوديين مع الأسف !
حتى الظاهر ماعندنا محلات بجايم رجاليه , ميئوس من حال رجالنا ههههههه
وفعلا ياعبدالله , اللي يقهر اذا جاك الرجال ” يلعــلع ” على زوجته .. انها ماتلبس
وماتتزين وبعضهم يقول انها ماتغير وتكرر في الملابس !!!!!
طيب انت ياعزيزي الرجل ؟
مو بس ماتتزين ! من اول ماتاخذه الوحده وهو نفس اللبس ..
انا اقول بما انه مافي امل يغيرون هالعاده , على الاقل يغيرون لون السروال
يمكن نحس بتغيير !!! ههههههه
ووشكـــرا : )
@منور..
هههههههههههههههه
اهم شي لا يصير لون السروال اصفر.. عشان ما يزيد القرف..
هناك عرف جديد.. و”سروال السنة” بدأ بالزوال!
الآن.. الشاب الرايق والكشخه يلبس بجامة ويتمشى في الشارع !
رأينه بأم عيني ..شاب يلبس بجامه من الحرير في السوبرماركت !
كلامك جميل !
أنا لا أرى ذلك في المنزل لكن آراه خارج المنزل ..
في الشاارع !!
نعم في الشارع .!
كيف لك أن تخرج للناس بهذا اللباس ؟؟؟؟؟!
هل ضاق وقتك ؟ (أقصد لا تملك وقتاً لارتداء الثوب)
صدقيني آشعر بـ غبااء !
بعض الرجآل تفاهه حمق سُخف ….!
ليس أنتم فقط ، أرى نساءً تخرج خارج المنزل برائحة البصل !
آن والدي يشتكي كذلك من مظاهر بعض الرجاال في المساجد (أطهر البقاع على وجه الأرض !)
آشكال مقززة وكأنهم لا يملكون ثياباً تسترهم
ياني مااداني هالسروال يجيب لي الصداع النصفي انا اشهد انك صادق بكل كلمه للأمااااام من قلللب
اتمنى كل السعوديين يقرونها ..
وما يعلقون علينا اذا جلسنا ببجايمنا..
مشكوور وما قصرت..
السلام عليكم..
تحية طيبة لك أخي عبد الله ..كلامك في الصميم وصحيح ..وكأن الرجال تناسوا قول الله تعالى ( ولهن مثل الذي عليهن بالمعروف)..
من حق المرأة ان ترى زوجها في زينته كما هي مطالبة بذلك..على فكرة انا لي مقالة بعنوان (سروال وفنيلة) ..طرحت فيها هذا الموضوع بذكر مواقف مختلفة ..يسرني ان اشارككم فيها بانتظار اذنكم لي بذلك..
تحياتي ..
@عابرة رصيف..
والله بعض الشباب حالهم يرثى لها! يسعون للفت الانتباه حتى لو كان على حساب شخصياتهم!
@طهر..
اعجبني جدا ذكر موضوع النساء و رائحة البصل! فعلا.. هذه ظاهره و على النساء الحذر.. فلا شيء اكثر ايذاءا من رائحة كريهة.. و خصوصا ان كانت تمنعك من الاقتراب من شخص تحبه!!
@flana
ههههههههههههه
صداع نصفي! ان شاءالله ما توصل الامور لكذا
@جوديي..
البيجاما بعض الاحيان تخلي الواحد حلو.. مو دايم تحسسك ان الي قدامك “مخلقن”..
@سارة يعقوب..
أكيد شاركينا اختي! و اضيفي الرابط اذا كان المقال في الانترنت.. شان تعم السخرية.. عفوا قصدي الفائدة
سروال..و..فنيلة..!!
تحية طيبة لقرائي الأحبة ..أعلم ان الموضوع يبدو غريبا وقد يثير التساؤلات وربما الاستنكار..لا أخفيكم ترددت في كتابة هذا الموضوع..ولكن ..ثقتي دائما ان هناك قلوب تستوعب كلماتي وعقول ..تفهم مرادي ..شجعني ذلك..أن أكتب..قصة حبكتها لأحكي واقعا ..
هي شكوى صدرت من نساء كثر..تجعلني أشعر بالأسى حينا, وحينا آخر لاأخفيكم..لا استطيع ان اكتم ضحكاتي بسبب عباراتهن العفوية ..بدأت الحرب الكلامية ..عندما سمعت إحداهن الخبر المحزن عن صديقتها التي أصبحت زوجة أولى !!..وجاء خبر الثانية على هذه ربما أشد وأكثر وقعا..على صاحبة الشأن فبدأت تزبد وتدعو..
قلنا :رويدك هدئي الشرع أجاز له ذلك..
قالت ألم يطلب الشرع أيضا منه العدل ..يا أختي هي آدمية..ماتقصر على بيتها وتتزين وكل شيء..أنا مو قاهرني إلا هو!! ..مايشوف نفسه؟ مايتعدل ؟..يطلبون من الحريم الحقوق وينسون اللي عليهم…!!!
نظرت لمن حولي طبقة راقية من النساء ..متعلمة ..
ولكن لماذا بالفعل يطالب ..(أغلب الرجال) المرأة بالكثير ويتناسى ماعليه من حقوق..بدأت النساء تتذمر أكثر وأكثر وتمنيت أن يصمتن لأن بعض الخطوط الحمراء بدأت تتلاشى أمام غضبهن العارم..
سروال وفنيله!! قالتها بتهكم..
منذ سنوات وهو على هذه الحال .لانشم منه رائحة العطر إلا إعلاما منه بالخروج..أتمنى أن يتزين لي كما أفعل أو على الأقل ربع الذي أفعل ..التفتت ناحيتي وقالت :اسألي عني المشاغل ..كم مرة أذهب إلى هناك ..أقص أصبغ..أغير مظهري في السنة أكثر من مرة ..وفي الطبخ أنا الماهرة ..والأولاد أنا الأم الراعية لهم ..كل شيء اهتم به ..حتى الأكل أحرم منه نفسي ..حتى يخف وزني ,لأحافظ على مظهري ..وأما هو كرشته تسبقه في الدخول عند الباب..
سارة اكتبي وعبري عنا ..قالت إحداهن: ألم يكن ذلك الصحابي الجليل يمشط لحيته ويقول..انا اتزين لها كما أحب أن تتزين لي ..ألم يقل الله تعالى (( ولهن مثل الذي عليهن بالمعروف)) هؤلاء _رضي الله عنهم_هم الناس الذين فهموا دينهم صح..!!
وإذا تفنن أبو الشباب..باللباس اشترى ثوبا للبيت مرقطا أو مخططا أو غير لونه!! ..
اشتريت له صدقيني اشكال البيجامات ..ولكن هيهات هيهات..أصبحت من الليالي الحلمية التي لاتحدث إلا نادرا..ولوقت محدود..!!
لماذا يتفضل علينا الرجل اذا فعل ذلك وكأنه صنع معروفا !!
إن كان ولابد ..فأتمنى أن تغير الشركة (السروال والفنيلة) على الأقل ألوانها قد يكسر بذلك الروتين..وتتجدد الحياة ..
اختلطت تنهدات النساء بضحكات البعض..
وقفت مع نفسي وتسائلت ..هل يرى الرجل هذه الرغبة ..رمحا يطعن رجولته؟ هل يتجاهل أهمية الشكل الظاهري ؟
أحتاج لتفهم هذا منكم..بانتظار ردودكم..
بقلم :سارة يعقوب
30/8/2009م
@سارة يعقوب..
ههههههههههههههه
معذرة.. لكن لم أملك إلا أن أضحك.. و شر البلية ما يضحك..
لكن الاسلوب الساخر في بعض العبارات كانت لاذعة و جميلة..
لكنها في نفس الوقت محزنة..
رق قلبي عندما أخذت إحداهن “لانشم منه رائحة العطر إلا إعلاما منه بالخروج” ..
فعلا شيء محزن جداا!!
كل شي يهون عند اللي ثوبة مقنصع>>>قصير يعني
اللي يلبس سروال قصير>>مادري وش تسمونة
يوطوط بالبيت بسروال وفنيلة 
عيب يارجل
وسروال السنة يويق من تحت
ولا المصيبة عاد
ويصير الثوب شفافا والسروال باين
يأن شكلة يضحك ويفشل
ولا اعرفلك واحد بصبحية عرسة
ولا انا ماعندي مشكلة ابدا مع ابوي واخواني
مادري انا تعودت ولا اناغير
سارة
@سارة..
اللي يوطوط بسروال و فنيلة صبحية العرس مدري و اسميه بصراحة..
واتوقع السبب اللي يخلي ابوك و اخوانك عادي اهو انك تعودتي..
السلام عليكم
معليش تقبل رايي
ياخي احس انك ترد على الردود
باي كلام بس علشان انك رديت >>>>انشاللة انك فهمت
@سارة..
أكيد أتقبل رأيك..
انا عندي نوعين من الردود..
1- رد يكون فيه شيء اضافي..
2- رد يكون شكر و تقدير للشخص اللي خذ من وقته و علق على موضوعي..
وبالنسبة لردي على ردك..
كان يهمني فيه اني اوصل رأي في نقطة محددة..
واللي هي السبب اللي اتوقع انه خلاك تحسين انه عادي انك تشوفين ابوك و اخوانك لابسين سروال و فنيلة..
اولا يطلق عليه اسم السروال الطويل
لكن بالنسبه للسنه يطلق على السروال اللي يوصل للركبه
عموما انا ماارى ان فيه اي ضير او اي مشكله هذا زي بلادنا ونفتخر فيه
لكن بما انك تطرقت له انا بسألك انت تقول بجامه طيب وليكن في الشتاء
تحت الثوب لكن في الصيف؟
طيب بتقول انا اقصد في البيت وانا اقول سواءا في البيت او خارج البيت
السروال يلبس تحت الزي التقليدي يعني الواحد يلبس ثوب وبعدين؟؟
وش يلبس الله يحفظك ويخليك لأميمتك اقصد اي نوعيه مايصلح لنا الأ هالنوعيه
لأن قماشه خفيف ومناسب
شكرا
ياحبي لك يا ولد عمي
بس تراك فاهم الموضوع خطا..
انا اقصد انك تلبس سروال طويل و فنيلة من دون ثوب.. يعني وانت جالس في البيت..
شكل الرجال ما يصير جميل..
و الله جميل و يحب الجمال..
و الرجل دائما يطالب المرأة انها تتزين له.. و في المقابل المفروض انه يتزين لها..
لـووووووووووول
طـرج جميــــــل =)
يــآليت السعوديين كلهممم يقـرونــه !!
من جدددد الرجـآل يقهـر لمـآيسوي نفسه ويقول لزوجـتـه اللبسي زيننن اللبسي جديد إنتي مـآتتزينين إلـأ إذا بتروحيـن عزيمه وهو منسدح على الكرسي بسروال وفنيلـــه واللـه قِمـة القهـر والقرف وكلللل شي !! إحنـآ مـآقلنـآ البس ثوب وشمـآغ وإجلس بس نبـي بيجـآمه حلـوه تفتح النفس =)
دمـت بود
@SARAH..
ترا المرأة لازم تساعد الرجل في إنه يكون أنيق و جميل..
أولا لازم تبدا بنفسها و تكون دايم حلوه و جميلة و متزينه له..
ثانيا تشتري له هدايا و ملابس و بجايم تساعده في انه يكون دايم حلو قدامها..
و مع الوقت راح يتعود هو من نفسه يكون جميل قدامها..
من جددددددددد
وش ذا هم يعتبروون سراويل السنه شي عادي
مايدروون انه شي يقرف ويشين النفس
اهم شي انني قد شفت واحد طالع عند باب بيتهم بسرواال سنه
..صدق فيه
شيي مقرف ماكفاه يقرف اهل بيته جا يقرف جيرانه
بعض الرجال الله لايبلانا… وفيه بعضهم لا ..
ومشكووور اخووي من جددد موضوعك ودي اوريه كل رجااال خل يتعضوون
ولو ان بعضهم بيطنش بس مو مشكله..
@نورة..
هههههههههههههه
لا تحزني وانا اخوك..
الشباب بادية عقولهم تتفتح.. و صارو يهتمون بالناس اللي حولهم..
ومثل ما قلتي.. الموضوع حلو انه ينتشر حتى لو كانت بعض الناس بتطنش.. لكن المهم ان المعلومه توصل..
مسائك سعيد ~
فعلا هالمنآظر تتكرر كثيرآ ~
لكن يوجد من يطبق >>إني أحب أن أتزين لها كما أحب أن تتزين لي
لكن أيضآ أشد ع يدك وأدعو للإقلاع عن هذا النوع من اللبآس ~
كون بخير ^.^
انا شخصيا سروال السنه يثيرني جنسيا !! ما اعرف السبب بس فعلا احس بهالشعور